Undanfarin ár hefur tillaga um verndun götumyndar velkst í kerfinu án þess að tekið sé af skarið og götumynd vernduð. Legg til að þeir fáu timburhúsareitir sem eftir eru verði verndaðir skv framkomnum tillögum. Einnig að skilyrt verði að nýbyggingar sem reisa þarf vegna endurnýjunar á húsum sé í fullu samræmi við heildarmyndina þ.e. að stíllinn sem sá sami og myndar götumyndina.
Götumyndir sem skapast af heilsteiðum húsalengjum eru hluti af menningararfi okkar og gera eignir verðmætari en ella. Nýtt hús eða nýlagnir á götu sem breyta myndinni rýra verðmæti eignana bæði fjárhagslega og líka menningarlega. Sé þörf á því að endurreisa þá skal það gert í samræmi við heildarmyndina og forðast að vera með arkitekturskan sóðaskap þ.e. að nýbyggingin líti út eins og æxli í heildarmyndinni.
This content is created by the open source Your Priorities citizen engagement platform designed by the non profit Citizens Foundation