Hvað viltu láta gera? Það er raki og mygla í núverandi húsnæði heilsugæslunnar í Drápuhlið og húsnæðið ekki hentugt sem heilsugæsla. Léleg vinnuaðstaða fyrir starfsfólkið og biðstofa gesta á ganginum. Hugmyndin er að byggja nýja heilsugæslu í nálægð við Val þar sem líka væri sjúkraþjálfun og fleira heilsutengt. Jafnvel sundlaug. Hvers vegna viltu láta gera það? Það er stöðugt verið að henda peningum í að laga Drápuhlíðina þegar húsnæðið er óhentugt. Íbúar í Hlíðunum eiga skilið glæsilega heilsugæslu og heilsusamlega án myglu!
Frábær hugmynd, en ég er ekki alveg viss um staðsetningu við Valsheimilið, þar sem það er alveg í jaðri hverfisins, það hlýtur að vera einhver betri staðsetning.
Heilsugæslustöðin Hlíðar á skilið húsnæði sem endurspeglar þá frábæru, hlýju og persónulegu þjónustu sem starfsfólkið þar veitir. Það er óboðlegt að starfsfólkið þar þurfi að vinna í húsnæði sem er þakið í raka og myglu. Er 110% með þessari hugmynd og staðsetningin hjá Val er mjög heppileg að ég tel 😊
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem verkefni hugmyndarinnar er ekki innan verkefna / valdheimilda Reykjavíkurborgar eða ekki á borgarlandi. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation