Að málað verði á vistgöturnar í Suðurhlíðunum leyfður hámarkshraði í vistgötum; 15 km/klst á sama hátt og víða er gert í almennum íbúagötum þar sem hámarkshraði er 30 km/klst. Lagt er til að Reykjavíkurborg máli á göturnar stór 15 merki með jöfnu millibili til að leggja áherslu á hámarkshraðann!
Þrátt fyrir að vistgöturnar í Suðurhlíðunum séu merktar sem slíkar með til þess gerðu vistgötumerki eru hraðamerkingar hvergi að sjá og augljóst að margir ökumenn gera sér ekki grein fyrir að hámarkshraði í vistgötum er 15 km/klst. Ökumenn keyra því stundum of hratt miðað við þá staðreynd að ekki eru samfelldar gangstéttir þar að finna og búast má við börnum að leik á götunum - því gangandi vegfarendur eiga forgang í göturýminu.
This content is created by the open source Your Priorities citizen engagement platform designed by the non profit Citizens Foundation